සියවස් ගණනාවක පටන් විවිධ සංස්කෘතීන්වල මිනිස්සුන්ව සතුටු කරපු ඉතාමත් රස බර ආහාරයක් ලෙස කේක් හදුන්වා දෙන්නට පුළුවනි. විවිධ වර්ණයන්ගෙන් විවිධ ආකෘතීන් වලට සැකසූයේ අද බහුල ලෙස විවිධ උත්සව අවස්ථාවන්හි දී අපට දකින්නට හැකියාව ලැබෙනවා.
ඉතින් අද පටන් කේක් පාඩම ඔස්සේ අප සූදානම් වන්නේ cake වල ඉතිහාසය පටන් අද දක්වා විකාශනය වී ඇති කේක් පිළිබඳ සියලු විස්තර ඔබට ලබා දීමටයි.
කේක් යනු,
පිටි, සීනි සහ අනෙකුත් අමුද්‍රව්‍ය වලින් සාදන ලද පිටි රසකැවිල්ලක් වන අතර සාමාන්‍යයෙන් බේක් කරනු ලැබු ආහාරයකි. පුරාතනයේ දී ගත් කල, කේක් යනු පාන් ලෙස වෙනස් කිරීමකි.
වර්තමානයේදි කේක් නැමැති රසකැවිලි වර්ගය විස්තීර්ණ වී ඇත. ඒ අනුව කේක් නැමැති රසකැවිලි වර්ගය මේවනවිට පුළුල් පරාසයක් තුල කේක් විහිදි ඇති බව සැමටම පසක් වී හමාරයි.
“කේක්” හි ඉතිහාසය
පුරාණ ඊජිප්තුවේ කේක් ආරම්භ වූයේ උණුසුම් ගලක් මත පිසින ලද රවුම්, පැතලි, මුහුන් නොදැමූ පාන් ලෙසයි. එතැන් සිට අද දක්වා අප භුක්ති විඳින කේක් වල පරිණාමය සිදු වූයේ නව අමුද්‍රව්‍ය සහ නව තාක්‍ෂණය හඳුන්වාදීම හරහායි.
“කේක්” යන යෙදුමට දිර්ඝ ඉතිහාසයක් ඇත.
වයිකිං සම්භවයක් ඇති නෝර්ස් වචනයක් වන”කාකා” ලෙසින් මෙය නිර්මාණය වී තිබෙන බව පුරාණ ග්‍රන්ථ මගින් හෙළි වී තිබේ.
කේක් පිලිබද රටවල් වල විකසනය මෙසේ ය.
පුරාණ ග්‍රීකයන් කේක් “ප්ලැකස්” ලෙස හැඳින්වූ අතර එහි අර්ථය වූයේ”පැතලි” යන්නයි.
ප්ලැකස් – බිත්තර, කිරි, ඇට වර්ග සහ මී පැණි සමඟ මිශ්‍ර කළ පිටි භාවිතයෙන් පිළිස්සුවකි.
ඔවුන් සතුව පැතලි බර කේක් එකක් වූ “සතුරා” නම් කේක් එකක් ද විය. ග්‍රීකයන්ට චීස්කේක් වල මුල් ආකෘතියක් ද තිබූ බවද කියැවේ.
රෝම යුගයේදී, කේක් නැමැති වචනය ග්‍රීක යෙදුමෙන් පැමිණි “ප්ලාසන්ටා” බවට පත් විය.
ග්‍රීක ජාතිකයන් බියර් සොයා ගත්තේ මුහුන් ද්‍රව්‍යයක් ලෙසත්, ඔලිව් තෙල්වල බැදීමටත්, එළු කිරි භාවිතයෙන් චීස්කේක් ලෙසත් ය.
පුරාණ රෝමයේ, පාන් පිටි ගුලිය බටර්, බිත්තර සහ මී පැණි වලින් සකස් කර ඇති අතර, එය පැණිරස හා කේක් වලට සමාන බේක් කරන ලද නිෂ්පාදනයකි.
ලතින් කවියෙකු වන “ඕවිඩ්” ඔහුගේ සහ ඔහුගේ සහෝදරයාගේ උපන්දින සාදය සහ කේක් පිලිබද තොරතුරු ඔහුගේ පළමු පොත වන “ට්‍රිස්ටියා” හි සඳහන් කර ඇත.
එංගලන්තයේ “කේක්” සහ “පාන්” අතර වඩාත්ම පැහැදිලි වෙනස්කම් වූයේ කේක් වල වටකුරු, පැතලි හැඩය සහ පිසීමේ ක්‍රමයයි, කේක් පිසීමේදී කේක් එක පෙරළා පුලුස්සා ඇති අතර පාන් පිළිස්සීමේ ක්‍රියාවලිය පුරාම කෙලින් තබා සකස් කොට තිබේ.
මෙලෙස අවුරුදු ගණනාවක් විවිධ වෙනස්කම් වලට ලක්වෙමින් පැමිණි තලපයක් වැනි කේක් අද වන විට විවිධ උස ප්‍රමාණයන්, විවිධ රස වර්ගයන් යුත් හා එදිනෙදා සෑම උත්සවයකටම පාහේම යොදාගනු ලබයි.
විවිධ වෙනස්කම් වලට භාජනය වු කේක් සදහා අවශ්‍ය මූලික අමුද්‍රව්‍ය 4 ක් ඇත . ඒ පිටි , සීනි , බිත්තර හා මේදයයි.
මීට හැරුනුකොට අදවන විට පුද්ගල අවශ්‍යතාවය පරිදි කේක් සදහා යොදාගන්නා නමුත් අත්‍යාවශ්‍යම නොවන අමුද්‍රව්‍ය ලෙස;
විවිධ උසස්කාරක , විවිධ රසකාරක , විවිධ වර්ණකාරක ගත හැක.
එමෙන්ම කේක් සදහා මේ වන විට යොදාගන්නා සාමාන්‍ය අතිරේක අමුද්‍රව්‍ය අතර වියලන ලද, කැන්ඩිඩ් හෝ නැවුම් පලතුරු, ඇට වර්ග, කොකෝවා සහ වැනිලා වැනි සාරය හා බොහෝ ආදේශක ඇතුළත් වේ.
කේක්; කල් තබා ගන්නා පලතුරු, ඇට වර්ග හෝ අතුරුපස සෝස් (කස්ටඩ්, ජෙලි, පිසූ පලතුරු, විප් ක්‍රීම් හෝ සිරප් වැනි) වලින් ද පිරවිය හැකි ය. අවශ්‍යතාවය මත කේක් බටර් ක්‍රීම් හෝ අයිසිංවලින් හො කැන්ඩිවලින් සරසා ගත හැකිය.
අද වන විට කේක් මංගල උත්සව, සංවත්සර සහ උපන්දින වැනි උත්සව අවස්ථාවන්හිදී සැමරුම් කෑමක් ලෙස යොදා ගනී. ගණන් කළ නොහැකි අන්දමට අදවන විට කේක් වට්ටෝරු රැසක් තිබේ. සමහර ඒවා පාන් වැනි ය. සමහර ඒවා විස්තීර්ණ වී තිබේ.
කේක් සෑදීම තවදුරටත් සංකීර්ණ ක්‍රියා පටිපාටියක් නොවන්නේ එය සදහාම විශේෂ වු වට්ටෝරු , යන්ත්‍රොපකරන හා පුහුණුව ලද පුද්ගලයන් ඉන්නා බැවිනි.
වරෙක කේක් සෑදීමට (විශේෂයෙන් බිත්තර පෙණ ගැසීම) සැලකිය යුතු ශ්‍රමයක් දැරූ අතර, වඩාත් ආධුනික කෝකියන්ට පවා කේක් පිළිස්සීමට හැකි වන පරිදි අද වන විට සියලු ක්‍රියාවලියන් ඉතාමත් සරල කර ඇත.
මෙලෙස ඔබ නොදන්නා මෙවැනිම කේක් පිලිබද කරුණු හා කේක් වට්ටෝරු වලින් ඉදිරියේදි ඔබව හමුවෙන්නම්.
ස්තූතියි…
සූපවේදි හා කේක් නිර්මාණ ශිල්පි
ජනනු ද සිල්වා