වත්මන් ලෝකය තුළ බොහෝ දෙනෙකු ම පාහේ හුරුවී සිටීන්නේ නවීන ජීවන රටාවටකටයි. ඊට සමගාමීව, නිවසේ මුළුතැන්ගෙය යනු කෑම පිසීම සඳහා පමණක්ම නොව, පවුලේ සාමාජිකයින් එකතුවන සංවාදයේ යෙදෙන නිවසේ සුවිශේෂී ස්ථානයකි.
නිවසට අනුකූලව නවීන පන්නයේ මුළුතැන්ගෙයක් නිර්මාණය කිරීමේදී, කාර්යක්ෂමතාවය, පිරිසිදුභාවය, තාක්ෂණය හා විලාසිතාව අතර යහපත් සමතුලිතතාවයක් ඇතිකිරීම අත්‍යවශ්‍යය වේ.
1. නිවැරදි සැලසුමක් සකස් කිරීම
මුළුතැන්ගෙයෙහි හැඩතලය නිවැරදිව සැලසුම් කිරීම නවීන මුළුතැන්ගෙයක් සදා ගැනීමේ පළමු පියවරයි.
“Work Triangle” (සෞන්දර්යාත්මකව ප්‍රියජනක සහ ක්‍රියාකාරී වන කාර්යක්ෂම මුළුතැන්ගෙයි පිරිසැලසුම් තීරණය කිරීම සඳහා භාවිතා කරන සංකල්පයකි) සංකල්පය අනුව – සින්ක් බදුන, උදුන , සහ ශීතකරණය තුනම පහසුවෙන් ළඟා කළ හැකි ආකාරයෙන් සකස් කළ යුතුය. විවෘත සැලැස්ම (Open Kitchen Layout) නවීන පරිපාලනයකට වඩාත් ගැලපේ.
2. වර්ණ සහ විලාසිතාව තෝරාගැනීම
නවීන මුළුතැන්ගෙය සඳහා සුදු, අළු, beige සහ කොළ වර්ණ වඩාත් ප්‍රචලිතය. මේවා පිරිසිදු, විශාල බවක් ඇති හැඟීමක් ලබාදෙයි. තද පාට accent එකක් (උදා: කළු හෝ navy blue) යෙදීමෙන් විලාසිතාව වැඩි කළ හැක.
3. නවීන උපකරණ සහ තාක්ෂණය
නවීන මුළුතැන්ගෙයක් තුළ, කාර්යක්ෂම ක්‍රියාකාරීත්වය සදහා smart appliances ඉතා වැදගත් වේ.
උදාහරණ:
- Induction cooker
- Built-in oven & microwave
- Sensor-tap සහ touch-free dust bin
- LED lighting systems
මෙවැනි උපාංග කාලය ඉතිරි කරන අතරම ආරක්ෂාවත් වැඩි කරයි.
4. සංවිධානය සහ පිරිසිදුභාවය
නවීන මුළුතැන්ගෙයක් පැහැදිලි සහ අලංකාර පෙනුමක් සහිත විය යුතුය.
ඒ සඳහා:
- Drawer organizers
- Wall-mounted racks
- Pull-out cabinets
- Hidden storage
ආදී ක්‍රම භාවිතා කළ යුතුය. පිරිසිදු කිරීම පහසු වන ද්‍රව්‍ය (quartz countertop, ceramic backsplash) භාවිතයද වැදගත් වේ.
5. පරිසර හිතකාමී අංග එකතු කිරීම
නවීන මුළුතැන්ගෙය යනු පරිසර හිතකාමීකමත් සමඟ යන ආකෘතියක් වේ.
එය සඳහා:
- Energy-saving bulbs
- Recyclable garbage system
- Water-efficient faucets
- Natural light & air ventilation
මෙවැනි අංග සකස් කිරීමෙන් පරිසරයට සහ ඔබේ බිල්පත් වලටත් වාසි වේ.
තොරතුරු අන්තර්ජාලයෙනි
සටහන – බී.රාජපක්ෂ